Kwa kawaida uthibitishaji unaoonekana wa mmiliki wa akaunti ni muhimu unapoombwa kubadilisha aina za usalama, lakini ufikiaji wa aina ya usalama unaotumika haupatikani tena kwa mwenye akaunti (nambari ya simu iliyopotea, maelezo yaliyosahauliwa ya kuingia kwenye barua pepe, n. k). Sharti lingine linalowezekana la uthibitishaji unaoonekana ni wakati wa usajili wa akaunti katika hali fulani.

Hii ni hatua muhimu ya usalama wa akaunti inayohitajika katika hali kama hizi.

Tunatumia options mbili zinazowezekana za uthibitishaji unaoonekana kupitia gumzo la video:

• Google Meet
• Zoom

Hatuwezi kukuhakikishia matumizi ya jukwaa lingine, kwa hivyo kwa urahisi tunapendekeza ufungue akaunti kwenye majukwaa haya ukitumia barua pepe ile ile iliyosajiliwa kwa akaunti yako ya Exness. Timu yetu ya usaidizi itawasiliana nawe kwenye mojawapo ya majukwaa haya baada ya kuwasiliana nawe ili kukubaliana kuhusu muda wa kupiga simu.

Kuweka hati zako za utambulisho tayari kabla ya gumzo la video kunaweza kuhakikisha mchakato rahisi.

Google Meet

Google Meet ni jukwaa la mikutano ya video linalotumiwa na linaloaminika na watu wengi linalopatikana katika sehemu nyingi za dunia. Inapatikana kwa kompyuta ya mezani na simu ya mkononi (viungo viko hapa chini).

Timu yetu ya usaidizi itakutumia kiungo cha kipindi cha Google Meet kupitia barua pepe.

1. Bofya kiungo cha Google Meet kwenye barua pepe ukiwa umeingia kwenye Google Meet.
2. Washa maikrofoni na kamera.
3. Bofya Jiunge sasa ili ujiunge kwenye mkutano. Utaona kitufe cha Omba ujiunge ikiwa hujaingia kwenye Google Meet ukitumia anwani sahihi ya barua pepe.
4. Ikiwa wakala wa usaidizi bado hayupo kwenye mkutano, subiri ajiunge.
5. Ili umalize au uondoke kwenye mkutano, bofya aikoni ya Ondoka kwenye simu.

Google Meet inapatikana kama programu kwenye vifaa vya mkononi vya iOS na Android. Ukitumia kifaa cha Android, hakikisha kwamba toleo la kifaa chako ni Android 7.0 au toleo jipya zaidi.

Zoom

Zoom ni jukwaa la mikutano ya video la mtandaoni ambalo wakala wetu wa usaidizi anaweza kuwasilisha kama option ya kuwasiliana nawe. Inapatikana kwa kompyuta ya mezani na simu ya mkononi (viungo viko hapa chini).

Unapotumia Zoom kwenye kivinjari cha wavuti, hakuna upakuaji unaohitajika ingawa unaweza kuombwa kupakua programu ya kompyuta ya mezani (hii ni kwa hiari kabisa).

Timu yetu ya usaidizi itakutumia kiungo cha mkutano wa Zoom kupitia barua pepe.

1. Fungua kiungo cha Zoom kwenye barua pepe.
2. Dirisha ibukizi litaonyesha kwamba unahitaji kukubaliana na sheria na masharti ya Zoom; chagua Ninakubali kuendelea.
3. Chagua Ghairi unapoombwa kufungua zoom.us.app, kisha uchague Anzisha Mkutano.
4. Chagua Ghairi na Jiunge Ukitumia Kivinjari Chako kidokezo kitakapotokea tena. 
5. Weka jina lako, kisha uthibitishe kwa kubofya Jiunge.
6. Subiri wakala wetu wa usaidizi akuongeze kwenye simu ya video.
7. Mkutano utaanza kurekodiwa ukishaingia kwenye mkutano; kubali kwa kuchagua Nimeelewa.
8. Chagua Washa sauti na Anzisha Video ili uwezeshe maikrofoni na kamera yako mtawalia.
9. Ili kumaliza au kuondoka kwenye mkutano, bofya Ondoka.

Zoom ya kifaa cha mkononi

Zoom inapatikana kama programu ya kifaa cha mkononi cha iOS na Android.

1. Pakua programu ya Zoom kwenye kifaa chako.
2. Bofya kiungo cha mwaliko cha Zoom kilichotumwa kwenye barua pepe yako. Programu ya Zoom itafunguka kiotomatiki.
3. Weka jina lako kamili na ubofye Endelea. Kwa chaguomsingi, utaona jina la kifaa chako.
4. Dirisha ibukizi litatokea. Bofya Ruhusu kwa Zoom ili kufikia kamera yako.
5. Washa kamera yako, bofya kitufe cha kuwezesha sauti, kisha Jiunge.
6. Subiri wakala wetu wa usaidizi aanzishe mkutano.