Mchakato wa kuthibitisha akaunti ya Exness ni pamoja na kukamilisha wasifu wa mteja kiuchumi (utafiti), pamoja na hati za uthibitisho wa makazi (POR) na uthibitisho wa utambulisho (POI).
Maelezo ya uthibitishaji yanaweza kutofautiana kulingana na eneo lako lililosajiliwa, kwa hivyo hakikisha kuwa unatambua vikomo vya akaunti na masharti ya hati unapofuata mchakato wa uthibitishaji.
Uthibitishaji wa akaunti ya Exness huhakikisha kuwa mmiliki wa akaunti pekee ndiye anaweza kufikia akaunti ya Exness. Hadi zithibitishwe kikamilifu, akaunti za Exness zina vikomo vya uwekaji pesa na hatimaye vinaweza kuzimwa.
Bofya kichupo chochote hapa chini kwa maelezo kuhusiana na uthibitishaji wa akaunti ya Exness, ikiwa ni pamoja na:
- Uthibitishaji wa akaunti ya Exness
- Kwa nini uthibitishaji ni muhimu
- Masharti ya hati ya uthibitishaji
- Usaidizi wa kukataliwa kwa hati
Uthibitishaji wa akaunti ya Exness
Baada ya kusajili akaunti mpya ya Exness, thibitisha akaunti yako kikamilifu kwa kufuata hatua hizi:
Kwa EB la tovuti
- Ingia kwenye Eneo lako la Binafsi (EB).
- Bofya Kamilisha Wasifu juu ya eneo hili ili kuanza; kitufe hiki kinaweza kuonekana tofauti kulingana na EB lako.
- Thibitisha anwani yako ya barua pepe: bofya nitumie msimbo. Weka msimbo huo wa herufi 6 kisha ubofye Endelea.
Kumbuka: Hatua ya uthibitishaji wa barua pepe itarukwa ikiwa umetumia maelezo yako ya kuingia kwenye Google kujisajili katika Exness.
- Thibitisha nambari yako ya simu: weka nambari yako ya simu, kisha uchague ikiwa ungependa kupokea SMS au simu yenye msimbo wako wa uthibitishaji. Weka msimbo huo wa herufi 6 kisha ubofye Endelea.
- Weka taarifa zako za kibinafsi: sharti jina lako kamili lilingane kabisa na jina litakaloonyeshwa kwenye hati zako za uthibitishaji.
Jumla ya kiasi cha pesa kinachoruhusiwa kuwekwa katika hatua hii kina kikomo*, kwa kuwa akaunti ya Exness bado haijathibitishwa kikamilifu. Kuweka pesa kwa mara ya kwanza huanzisha kikomo cha muda wa uthibitishaji cha siku 30, baada ya hapo sharti uthibitishaji ukamilishwe.
- Kamilisha wasifu wa mteja kiuchumi: huu ni utafiti wa uzoefu wako wa biashara na muhimu kwa mchakato wa uthibitishaji.
- Wasilisha hati za uthibitishaji: weka jina lako la kisheria, kisha ubofye Pakia hati. Ni sharti jina lako la kisheria lilingane kabisa na jina lililo kwenye hati zote za uthibitishaji, pamoja na jina lililosajiliwa kwa njia zozote za malipo ambazo unaweza kutumia kwenye akaunti yako ya Exness.
-
Wasilisha hati yako ya uthibitisho wa utambulisho (POI):
- Chagua nchi ambayo ulipata kitambulisho chako kwenye menyu kunjuzi.
- Chagua aina ya kitambulisho.
- Ambatisha hati yako ya POI** kisha ubofye Inayofuata. Mifano ya hati za POI zinazokubalika huonyeshwa kwenye skrini katika hatua hii. Ikiwa eneo lako halihitaji hati ya kipekee ya POR, basi hatua ya 10 inaweza kurukwa (thibitisha masharti kwenye EB lako wakati wa hatua hizi).
Hatua za uwekaji pesa bado zimewekewa kikomo kwa kuwa akaunti ya Exness bado haijathibitishwa kikamilifu, lakini kikomo hicho huwa juu kuliko kilichowekwa hapo awali. Akaunti ya Exness bado iko chini ya kikomo cha muda wa uthibitishaji cha siku 30.
- Ambatisha hati yako ya uthibitisho wa makazi (POR) kisha ubofye Inayofuata. Taarifa kuhusu hati za POR zinazokubaliwa huonyeshwa hapa.
- Ingia kwenye EB lako baada ya saa 24: utaweza kuthibitisha kuwa akaunti yako sasa imethibitishwa kikamilifu. Ikiwa hati zako za uthibitishaji zimekataliwa, unaweza kuanza mchakato tena kuanzia hatua ya 7. Angalia hali yako ya sasa ya uthibitishaji kwa kuingia kwenye EB lako, kisha kuangalia Kichupo cha wasifu kwenye Mipangilio yako.
Kwa watumiaji wa kifaa cha mkonononi
Ili kuthibitisha akaunti yako kwa kutumia programu yako ya Exness trade, angalia makala yetu kuhusu uthibitishaji wa akaunti ya Exness Trade.
Baada ya kuthibitishwa, vikomo vyote vya kiasi cha pesa kinachoweza kuwekwa huondolewa na njia za malipo ambazo zinahitaji uthibitishaji wa akaunti hupatikana. Kikomo cha muda wa uthibitishaji cha siku 30 pia huondolewa.
*Baadhi ya maeneo huzima uwekaji pesa kabisa hadi akaunti ya Exness ithibitishwe kikamilifu.
**Maeneo mengi yanahitaji hati za kipekee za POI na POR, huku baadhi zikiruhusu hati sawa kwa POI na POR ikiwa taarifa za utambulisho na makazi zimejumuishwa. Thibitisha masharti wakati wa hatua za uthibitishaji.
Je, na ikiwa nitawasilisha POI pekee wakati wa uthibitishaji, kisha nifikie kikomo cha kiasi cha pesa ninachoweza kuweka?
Katika baadhi ya nchi ni hati moja pekee ya POI inayohitaji kuwasilishwa kwanza. Hati ya kipekee ya POR inahitajika kiasi fulani cha pesa kinapowekwa kwenye akaunti hiyo ya Exness ili kuondoa kikomo cha kiasi cha pesa kinachoweza kuwekwa kwa akaunti ambazo hazijathibitishwa.
Arifa itatumwa kwenye EB lako kukueleza kuwa kikomo cha kiasi cha pesa kinachoweza kuwekwa kinaweza tu kuondolewa kwa kuwasilisha hati halali ya POR.
Tembelea sehemu ya Uwekaji pesa na ubofye thibitisha wasifu wako ili kuwasilisha hati ya kipekee ya POR ili kuondoa kikomo cha kiasi cha pesa kinachoweza kuwekwa.
Kwa nini uthibitishaji ni muhimu
Akaunti za Exness zinahitaji kuthibitishwa kikamilifu kabla ya vipengele vyote vya biashara kuwezeshwa na vikomo vya kiasi cha pesa kinachoweza kuwekwa huondolewa kabisa. Kikomo cha muda cha siku 30 ili kuthibitisha akaunti kikamilifu huanza baada ya pesa kuwekwa kwa mara ya kwanza, hatua pekee ya akaunti ambayo inaweza kufanyika baada ya hapo ni utoaji pesa.
Vikomo vya akaunti ambayo haijathibitishwa:
- Akaunti za Exness zilizo na anwani ya barua pepe iliyosajiliwa na/au nambari ya simu na taarifa za kibinafsi zina kikomo cha chini cha kiasi cha pesa kinachoweza kuwekwa kwa akaunti zote za kutrade.
- Akaunti za Exness na zilizo na maelezo yaliyo hapo juu, pamoja na wasifu wa mteja kiuchumi uliokamilika na hati halali ya POI bado zina kikomo cha kiasi cha pesa kinachoweza kuwekwa kama hapo awali, lakini pesa nyingi zaidi zinaweza kuwekwa kuliko hapo awali.
- Akaunti za Exness zilizo na maelezo yote yaliyo hapo juu na hati halali ya POR iliyokubaliwa huzingatiwa kuwa zimethibitishwa kikamilifu bila vikomo kwenye kiasi cha pesa kinachoweza kuwekwa (isipokuwa kiasi kinachoweza kuwekwa kulingana na njia ya malipo iliyochaguliwa).
- Baadhi ya maeneo huzima uwekaji pesa kabisa hadi akaunti ya Exness ithibitishwe kikamilifu.
Tafadhali kumbuka kuwa baadhi ya maeneo yaliyosajiliwa huzuia biashara zote hadi akaunti ya Exness ithibitishwe kikamilifu; tembelea Eneo lako la Binafsi (EB) ili kuthibitisha vikwazo vya sasa vya biashara.
Sababu kuu kwa nini uthibitishaji wa akaunti ni muhimu na unahimizwa ni pamoja na:
- Usalama
- Sheria za kifedha
- Kuboresha huduma
Usalama
Usalama wa akaunti ni sababu muhimu ya uthibitishaji wa akaunti kwani hakuna akaunti inayoweza kuwa salama ikiwa utambulisho wa mmiliki wa akaunti haujulikani. Kwa kuhakikisha kuwa hakuna mtu mwingine isipokuwa mmiliki wa akaunti anayeweza kuchukua hatua muhimu za akaunti, tunaweza kupunguza mianya ya udanganyifu. Kusisitiza kuwa ni mmiliki akaunti pekee ana ufikiaji na uwezo wa kutrade kwa kutumia akaunti yake ya Exness hutoa usalama wa kifedha na wakala kwa watumiaji wetu.
Sheria za kifedha
Exness hudumisha mchakato madhubuti wa uthibitishaji ili kuendelea kutii sheria za sekta. Exness inadhibitiwa na mashirika mengi ya udhibiti wa kifedha kote duniani na viwango vilivyowekwa na mashirika haya sharti vifuatwe ili Exness ifanye kazi. Zaidi ya hayo, mashirika ya udhibiti huwapa traders wetu uhakika kwamba Exness ni shirika halali linalolinda traders wake kulingana na sheria.
Kuboresha huduma
Data sahihi inahitajika ili kukidhi matarajio ya watumiaji wetu na kuboresha huduma. Kwa mfano, ikiwa traders wengi wamesajiliwa katika eneo fulani la dunia, tunaweza kuboresha huduma katika maeneo haya kwa kutoa Usaidizi katika lugha za eneo hilo au hata njia rahisi za malipo zinazohitajika huko. Uthibitishaji wa akaunti hufanya data sahihi kama hizi kuwa na umuhimu katika muktadha huu.
Kulingana na Mkataba wa Huduma ya Exness:
Taarifa za mteja zinazotunzwa na Kampuni zinachukuliwa kuwa siri na hazitatumika kwa madhumuni yoyote, isipokuwa kuhusiana na utoaji, usimamizi na uboreshaji wa Huduma, kwa madhumuni ya utafiti, takwimu, masoko.
Ingawa tunaweza kutumia data kuboresha huduma zetu, ufaragha wako unalindwa na data hiyo haitawahi kufichuliwa kwa washirika wengine nje ya Exness.
Pata maelezo zaidi kuhusu:
- Jinsi ya kuthibitisha akaunti yako ya Exness
Masharti ya hati ya uthibitishaji
Kuwasilisha hati za uthibitishaji zinazohitajika ili kuthibitisha akaunti ya Exness na ni pamoja na hati ya uthibitisho wa makazi (POR) na ya uthibitisho wa utambulisho (POI).
Hati mbili (2) za kipekee zinahitajika kwa kuwasilisha POI na POR ingawa baadhi ya nchi zinaweza kutumia hati moja kuthibitisha POI na POR. Fuata mchakato katika EB lako ili kuthibitisha.
Uthibitishaji wa hati unaweza kuchukua hadi saa 24. Ikiwa hakuna sasisho baada ya saa 24, tafadhali wasiliana na Usaidizi kwa usaidizi.
Masharti ya Hati:
Hati zisizotimiza masharti yaliyowekwa zinaweza kukataliwa na kuchelewesha uthibitishaji. Hati yako ikikataliwa, fuata kiungo ili kupokea usaidizi wa kukataliwa kwa hati.
Unapopakia hati zako, unachagua nchi yako na aina ya hati. Mifano ya hati zinazokubalika inaweza kuonyeshwa kulingana na chaguo lako.
Kwa uthibitisho wa utambulisho (POI)
Hati ya POI sharti ikidhi masharti haya:
- Picha ya mteja
- Jina kamili la Mteja sharti lilingane kabisa na jina la mwenye akaunti.
- Tarehe ya kuzaliwa ya mteja (miaka 18 au zaidi).
- Sharti bado iwe halali kwa miezi sita kuanzia tarehe ya kupakiwa.
- Pande zote mbili za hati ikiwa ina kurasa 2.
- Kingo zote nne zinaonekana.
- Ubora wa hali ya juu wa picha; haina ukungu na sharti iwe inasomeka.
- Imetolewa kirasmi na serikali.
| Mifano ya hati ya POI: |
|
| Miundo ya upakiaji inayokubaliwa: |
(Kona zote zinaonekana) |
| Aina ya faili inayokubaliwa: |
(Ukubwa wa faili ya hati haupaswi kuzidi MB 50) |
Sharti hati hiyo ya POI itolewe kutoka kwa mamlaka rasmi na ithibitishe jina, umri, na picha ya mwenye hati hiyo. Sio lazima hati hiyo itolewe katika mahali ambapo mmiliki alizaliwa au nchi ya uraia. Kwa mfano, raia wa India anayeishi kabisa nchini Kolombia anaweza kutumia hati ya POI iliyotolewa nchini India, Kolombia, au nchi nyingine yoyote ambako tunakubali wateja kutoka.
Ni muhimu kutambua kwamba hatukubali hati za POI zilizotolewa katika nchi hizi mahususi: Samoa ya Marekani, Kisiwa cha Baker, Guam, Kisiwa cha Howland, Kisiwa cha Jarvis, Johnston Atoll, Kingman Reef, Visiwa vya Marshall (the), Martinique, Visiwa vya Midway, Kisiwa cha Navassa, Visiwa vya Mariana Kaskazini, Palmyra Atoll, Puerto Rico, Visiwa Vidogo vya Nje vya Marekani, Marekani, Visiwa vya Virgin vya Marekani, Jiji la Vatikani na Kisiwa cha Wake.
Kwa uthibitisho wa makazi (POR)
Hati ya POI sharti ionyeshe:
- Jina kamili la mmiliki wa akaunti ya Exness ambalo lililingana kabisa na la POI.
- Jina kamili la mteja na anwani.
- Tarehe ya kutolewa.
- Tarehe ya toleo (sharti iwe imetolewa ndani ya miezi sita iliyopita).
- Kingo zote nne zinaonekana.
- Pande zote mbili za hati ziko kwenye kurasa 2 tofauti.
- Ubora wa hali ya juu wa picha; haina ukungu na sharti iwe inasomeka.
Sharti POR itolewe kirasmi na mamlaka halali, inayothibitisha makazi katika nchi ambayo akaunti ya Exness ilisajiliwa. Hii huhakikisha hali ya makazi ya kudumu katika nchi iliyochaguliwa wakati wa usajili wa akaunti.
| Mifano ya hati ya POR: |
|
| Miundo ya upakiaji inayokubaliwa: |
(Kona zote zinaonekana) |
| Aina ya faili inayokubaliwa: |
(Ukubwa wa faili ya hati haupaswi kuzidi MB 50) |
Hati zozote zilizoorodheshwa katika sehemu ya POI zinaweza kutumika kwa uthibitishaji wa POR ikiwa hazijatumiwa kama uthibitisho wa utambulisho. Hata hivyo, wateja katika baadhi ya nchi wanaweza kutumia hati moja kuthibitisha POI na POR; fuata mchakato katika EB lako ili kuthibitisha.
Pata maelezo zaidi kuhusu:
- Jinsi ya kuthibitisha akaunti yako ya Exness
Usaidizi wa kukataliwa kwa hati
Hatua inaweza kuhitajika ili kutatua hitilafu ya kukataliwa kwa hati za uthibitishaji zilizotolewa. Ikiwa hakuna hatua inayohitajika, kama inavyoonyeshwa katika sababu za kukataliwa hapa chini, unahitaji tu kupakia upya hati zako za uthibitishaji kama inavyoonyeshwa kwenye hatua za uthibitishaji wa akaunti.
Hati mbili (2) za kipekee zinahitajika kwa uwasilisho wa POI na POR kwa ujumla, lakini baadhi ya nchi zinaweza kutumia hati moja kuthibitisha POI na POR ikiwa inajumuisha taarifa za utambulisho na makazi. Fuata mchakato katika EB lako ili kuthibitisha.
Jinsi ya kuangalia sababu ya kukataliwa:
Barua pepe hutumwa kwa anwani iliyosajiliwa ya akaunti hati inapokataliwa. Ili kuona sababu ya kukataliwa, ingia kwenye EB lako na ubofye Sababu ya kukataliwa (kama inavyoonyeshwa hapa chini):
Sababu zinazowezekana za kukataliwa na hatua inayofaa:
| Sababu | Hatua ya mtumiaji inahitajika |
| Inahitaji ushiriki wa afisa wa utiifu wa masharti. | Hati iliyopakiwa iko katika lugha isiyokubalika. Tafadhali pakia tena. |
| Maandishi katika hati hiyo hayawezi kusomeka. Tafadhali piga picha bora. | Picha iliyopakiwa ina ubora wa chini. Pakia picha yenye wa ubora wa juu au uchague umbizo tofauti. |
| Pakia hati zote zinazohitajika ili kukamilisha uthibitishaji. | Hati za ziada zinahitajika ili kukamilisha uthibitishaji. Tafadhali angalia masharti tena. |
| Tafadhali pakia picha ya cheti chako cha kuzaliwa. | Hati ya NIN imepakiwa kama POI nchini Nigeria. Tafadhali pakia nakala/picha ya cheti chako cha kuzaliwa. |
| Sharti hati hiyo iwe na muhuri unaofaa. | Tafadhali pakia cheti cha kuzaliwa kilicho na muhuri. Hii inaweza kutumika nchini Nigeria. |
| Picha zilizohaririwa hazikubaliwi. Tafadhali pakia picha asili. | Picha za hati hiyo zimehaririwa. Tafadhali pakia picha asili au uchague umbizo tofauti. |
| Samahani, muda wa matumizi wa hati yako ya utambulisho umeisha haiwezi kutumika kwa uthibitishaji. Tafadhali jaribu hati tofauti ya utambulisho. | Muda wa matumizi wa hati iliyopakiwa umeisha. Tafadhali pakia hati halali. |
| Hati ya utambulisho inapaswa kuwa halali kwa angalau mwezi 1 kutoka tarehe ya kuwasilishwa. | Muda wa matumizi wa hati ya utambulisho iliyopakiwa unaisha chini ya mwezi mmoja. Tafadhali pakia hati iliyo na uhalali wa mwezi mmoja au zaidi. |
| Samahani, hati yako ya utambulisho ni batili na haiwezi kutumika kwa uthibitishaji. Tafadhali jaribu hati tofauti ya utambulisho. | Hati iliyopakiwa ni batili. Tafadhali pakia hati halali. |
| Maoni hutofautiana kulingana na aina ya hati. | Hati hiyo haina ukurasa wa mbele, ukurasa wa nyuma, au kurasa chache za katikati. |
| Hati yako imeharibika au haiwezi kusomeka. Tafadhali jaribu hati nyingine. | Hati iliyopakiwa imeharibika. Tafadhali pakia hati tofauti. |
| Tafadhali pakia picha ya hati nyingine ya utambulisho ambayo ina jina lako kamili na tarehe ya kuzaliwa. | Hati iliyopakiwa haina jina kamili na/au tarehe ya kuzaliwa. Tafadhali pakia hati tofauti. |
| Tafadhali hakikisha kuwa hati yako ya utambulisho ina picha ya uso wako na inaonekana wazi. | Hati iliyopakiwa haina picha inayotambulika ya mmiliki. Tafadhali pakia hati iliyo na picha wazi ya uso wako. |
| Eneo lako halikubaliwi. | Hati iliyopakiwa haitoki kwa eneo ambalo akaunti yako imesajiliwa. Tafadhali angalia na upakie hati sahihi. |
| Kona zote za hati sharti zionekane. | Kona za hati hiyo hazionekani. Tafadhali pakia tena. |
| Data yote ya hati sharti ionekane wazi. | Data katika hati hii haionekani kwa uwazi. Tafadhali pakia tena. |
| Hati haiwezi kukubaliwa kama POR |
Hati ya anwani iliyopakiwa haikubaliki. Tafadhali pakia bili yako ya matumizi, taarifa ya benki, taarifa ya kadi ya mkopo, ankara za kodi, au taarifa/vyeti vingine vya makazi vinavyotolewa na serikali. Pia kumbuka: - Hatukubali bili za matibabu, risiti za ununuzi au taarifa za bima - Uthibitisho wa makazi sharti utolewe ndani ya miezi 6 iliyopita. |
| Hati hiyo ni sharti iwe imetolewa katika kipindi cha miezi 6 iliyopita. | Hati ya anwani iliyopakiwa ilitolewa zaidi ya miezi 6 iliyopita. Tafadhali pakia hati iliyotolewa ndani ya miezi 6 iliyopita. |
| Hati hiyo sharti iwe na jina lako kamili. | Hati ya anwani iliyopakiwa haina jina lako kamili. Tafadhali pakia hati tofauti. |
| Hati hiyo sharti iwe na anwani yako kamili ya nyumbani. | Hati ya anwani iliyopakiwa haina anwani yako kamili. Tafadhali pakia hati tofauti. |
| Hati hiyo sharti iwe na nambari ya hati au jina lako kamili. | Ukurasa wa hati ya anwani sharti uwe na jina lako kamili au nambari ya hati. Tafadhali pakia tena. |
| Hati hiyo inapaswa kuwa halali kwa angalau mwezi 1 kutoka tarehe ya kuwasilishwa. | Muda wa matumizi wa hati ya anwani iliyopakiwa unaisha kwa muda wa chini ya mwezi mmoja. Tafadhali pakia hati iliyo na uhalali wa mwezi mmoja au zaidi. |
| Nchi iliyo kwenye hati iliyowasilishwa sharti ilingane na uliyochagua kwenye wasifu wako. | Hati iliyopakiwa haijatolewa katika nchi ambayo umechagua kwenye wasifu wako. Tafadhali pakia hati sahihi. |
Mifano ya hati zinazoweza kukataliwa
Baadhi ya mifano ya hati ambazo zinaweza kukataliwa imejumuishwa hapa chini:
- Hati ya uthibitisho wa utambulisho wa mteja aliye na umri mdogo:
- Hati ya uthibitisho wa makazi ambayo haina jina la mteja:
Mifano ya hati zinazokubalika
- Leseni ya udereva iliyopakiwa kama uthibitisho wa utambulisho:
- Taarifa ya benki iliyopakiwa kama uthibitisho wa makazi:
Pata maelezo zaidi kuhusu:
- Jinsi ya kuthibitisha akaunti yako ya Exness