اسٹاپ آؤٹ اس صورت میں ہوتا ہے جب آپ کی مارجن کی سطح 0% تک پہنچ جاتی ہے اور سسٹم مزید نقصانات سے بچنے کیلئے پوزیشنز کو خود بخود بند کر دیتا ہے۔ چونکہ آپ کی لیوریج آپ کے مارجن کا تعین کرتی ہے، یہ اسٹاپ آؤٹ کو متاثر کرنے میں اہم کردار ادا کرتی ہے۔

لیوریج آپ کی قوت خرید کو بڑھاتی ہے تاہم خطرے میں بھی اضافہ کرتی ہے:

• زیادہ لیوریج: آرڈر کھولنے کیلئے کم مارجن کا تقاضا کرتی ہے۔ اس کا مطلب ہے کہ آپ کم رقم کے ساتھ زیادہ بڑی رقوم ٹریڈ کر سکتے ہیں تاہم یہ آپ کے آرڈرز کو مارکیٹ کی تبدیلیوں کے حوالے سے زیادہ حساس بھی بناتی ہے جس سے اسٹاپ آؤٹ کے خطرے میں اضافہ ہو جاتا ہے۔
• کم لیوریج: آرڈر کھولنے کیلئے زیادہ مارجن کا تقاضا کرتی ہے۔ جبکہ یہ آپ کی قوت خرید کو محدود بناتی ہے، یہ مارکیٹ کے اتار چڑھاؤ سے وابستہ حساسیت کو بھی گھٹاتی ہے جس سے اسٹاپ آؤٹ کا امکان کم ہو جاتا ہے۔

مثالیں

زیادہ لیوریج (1:500)
آپ کے اکاؤنٹ میں 100 USD اور 1:500 لیوریج کے ساتھ، آپ 50,000 USD کی ٹریڈ کھول سکتے ہیں (100 USD‏ × 500‏ = 50,000 USD)۔ اس ٹریڈ کیلئے درکار مارجن 100 USD ہے جس کے بعد کوئی اضافی ایکوئٹی نہیں بچے گی۔ اگر مارکیٹ آپ کے خلاف 1% حرکت کرتی ہے تو آپ کا نقصان 500 USD ہوگا (50,000 USD کا 1%)۔ چونکہ آپ کے اکاؤنٹ میں صرف 100 USD ہیں، آپ کے نقصان کی حد 100 USD پر مقرر ہے۔ آپ کی ایکوئٹی 0 USD پر گر جائے گی اور آپ کے مارجن کی سطح 0% پر جس سے اسٹاپ آؤٹ ٹریگر ہو جائے گا۔

کم لیوریج (1:50)
آپ کے اکاؤنٹ میں 100 USD اور 1:50 لیوریج کے ساتھ، آپ 5,000 USD کی ٹریڈ کھول سکتے ہیں (100 USD‏ × 50‏ = 5,000 USD)۔ درکار مارجن اب بھی $100 ہے تاہم ٹریڈ کا سائز چھوٹا ہے۔ اگر مارکیٹ آپ کے خلاف 1% حرکت کرتی ہے تو آپ کا نقصان 50 USD ہوگا ($5,000 کا 1%)۔ نقصان کے بعد، آپ کی ایکوئٹی 50 USD ہو جائے گی اور آپ کے مارجن کی سطح 50% ہو جائے گی۔ چونکہ آپ کے مارجن کی سطح 0% سے اوپر ہے، کوئی اسٹاپ آؤٹ پیش نہیں آئے گا اور ٹریڈ کھلی رہے گی۔