Ogohlantiruvchi belgilar

• Siz tanimagan kirishlar yoki harakatlarni ko‘rasiz.
• Xavfsizlik usulingiz, telefon raqamingiz yoki autentifikatsiya qurilmangiz o‘zgargan.
• Siz so‘ramagan OTP kodlarini olasiz.
• Shaxsiy kabinet (ShK) ma’lumotlari yoki tranzaksiyalaringiz sizning roziligingizsiz o‘zgartirilgan.

Hisobingizni hoziroq himoyalang

Agar hisobingiz buzib kirilgan bo‘lishi mumkin deb hisoblasangiz, quyidagi choralarni darhol ko‘ring.

1) Xavfsizlik sozlamalaringizni tekshiring (Shaxsiy kabinet)

1. Shaxsiy kabinetga (Shk) kiring.
2. Profil bo‘limiga o‘ting va Xavfsizlik bo‘limini tanlang.
3. Telefon raqamingiz(lar) yoki autentifikatsiya qurilmangizni ham o‘z ichiga olgan xavfsizlik usulini tekshiring.
4. Ro‘yxatda ko‘rsatilgan telefon raqami yoki autentifikatsiya qurilmasini tanimasangiz, qo‘llab-quvvatlash xizmatiga murojaat qiling.

2) Parollaringizni o‘zgartiring (Shaxsiy kabinet va savdo hisoblari)

Shaxsiy kabinet (ShK) paroli

1. Profil bo‘limiga, so‘ng Xavfsizlik bo‘limiga o‘ting.
2. Kirish ma’lumotlari bo‘limida Parol yonidagi O‘zgartirishni bosing.
3. Yangi parolingizni ikki marta kiriting. Uning barcha parol talablariga javob berishi va boshqa joyda ishlatilmaganiga ishonch hosil qiling.

Savdo hisobi parol(lar)i

1. Savdo bo‘limiga o‘ting, so‘ng Hisoblarni tanlang.
2. Savdo hisobi yonidagi 3 nuqtali (⋮) belgini tanlang.
3. Savdo parolini o‘zgartirish bandini tanlang.
4. Ekrandagi talablarga rioya qilgan holda unikal parol yarating.

3) Boshqa qurilmalarda hisobdan chiqish

1. Parolni o‘zgartirgandan so‘ng qayta kiring.
2. Profil bo‘limiga o‘ting, Xavfsizlik bo‘limini tanlang.
3. Qurilma va hisob xavfsizligi bo‘limida boshqa qurilmalardagi faol seanslarni yakunlash uchun Boshqa qurilmalardan chiqishni tanlang.

4) Elektron pochtangiz va qurilmalaringizni himoyalang

• Elektron pochta parolingizni o‘zgartiring va elektron pochtangizdagi xavfsizlik faolligini (so‘nggi kirishlar va qurilmalar) tekshirib chiqing.
• Agar ayni parolni boshqa joylarda ham ishlatgan bo‘lsangiz, u yerda ham almashtiring.
• Foydalanadigan barcha qurilmalaringizda yangilangan antivirus yoki zararli dasturlarga qarshi dastur yordamida xavfsizlik tekshiruvini ishga tushiring.
• Shubhali ilovalar, brauzer kengaytmalari yoki rasmiy bo‘lmagan dasturlarni olib tashlang.

5) Yordam xizmatiga murojaat qiling

Agar quyidagi holatlardan biri sizga taalluqli bo‘lsa, yordam markazida tiket oching:

• Hisobingizda ko‘rsatilgan xavfsizlik usuli, telefon raqami yoki autentifikatsiya qurilmasi sizga notanish.
• Yuqoridagi amallarni bajarganingizdan keyin ham kirish imkonini tiklay olmaysiz.
• Siz maxfiy ma’lumotlarni (parol, OTP/tasdiqlash kodlari yoki qo'llab-quvvatlash PIN-kodi) baham ko‘rgansiz.
• Hisobingizni himoyalaganingizdan keyin ham shubhali faollik davom etmoqda.
• Shaxsiy kabinet (ShK) da siz qilmagan o‘zgarishlarni sezasiz (xavfsizlik sozlamalari, hisob ma’lumotlari yoki kutilmagan tranzaksiyalar).

Tiket yuborganingizdan so‘ng, qo‘llab-quvvatlash jamoamiz murojaatingizni ko‘rib chiqadi, tegishli hisob tafsilotlarini tekshiradi va xavfsiz kirishni ta’minlash uchun keyingi qadamlarni sizga ma’lum qiladi.