Rollover — ochiq spot savdolar hisob-kitobsiz bir savdo kunidan keyingisiga o‘tadigan jarayon. Rollover vaqtida likvidlik pastroq bo‘lishi mumkin, bu esa spredning kengayishiga olib kelishi mumkin.

Rollover odatda yakshanbadan payshanbagacha yozda 21:00 UTC+0 da, qishda esa 22:00 UTC+0 da sodir bo‘ladi. Bu davr odatda 1–2 soat davom etadi, biroq instrumentga qarab likvidlikning pastligi uzoqroq davom etishi mumkin.

Rollover vaqtida:

• Spredlar kengayishi mumkin.
• Ochiq pozitsiyalar bo‘yicha svop hisoblanishi yoki undirilishi mumkin.
• Ayrim orderlarga dividendlar qo‘llanilishi mumkin.
• Savdo va moliyaviy operatsiyalar bir necha daqiqaga to‘xtatilishi mumkin.

Svop va dividendlar haqida batafsil o‘qing.

Oltin (XAUUSD) odatda foreks rolloveri vaqtida yopiq bo‘ladi. Biroq bu vaqtda ham likvidlik odatdagidan pastroq bo‘lishi mumkin.

Ayrim mamlakatlar yoz va qish mavsumlarida soatni o‘zgartiradi. Bu bozorning ochilish va yopilish vaqtlariga ta’sir qilishi mumkin.

Yuqoridagi savdo jadvali DST o‘zgarishlari instrumentga tatbiq etilganda ularni hisobga oladi. Mos savdo soatlarini ko‘rish uchun jadvaldan vaqt mintaqangizni tanlang.

Quyidagi jadvalda yozgi va qishki davrlar ko‘rsatilgan.

Ko‘pgina instrumentlar AQSh DST’ga amal qiladi. XALUSD, XCUUSD, XNIUSD, XPBUSD va XZNUSD Buyuk Britaniya DST’ga amal qiladi.

AUS200 Avstraliya va AQShdagi DST o‘zgarishlaridan ta’sirlanadi:

• Avstraliyada DST boshlanishi: Ertalabki tanaffus 1 soat oldin boshlanadi. Tungi tanaffus o‘zgarmaydi.
• Avstraliyada DST tugashi: Ertalabki tanaffus 1 soat kechroq boshlanadi. Tungi tanaffus o‘zgarmaydi.
• AQShda DST boshlanishi: Tungi tanaffus 1 soat oldin boshlanadi. Ertalabki tanaffus o‘zgarmaydi.
• AQShda DST tugashi: Tungi tanaffus 1 soat oldin boshlanadi. Ertalabki tanaffus o‘zgarmaydi.

Svop mavsumga qarab 21:00 UTC+0 yoki 22:00 UTC+0 da hisoblanadi yoki undiriladi. Yoz va qishda svop qachon undirilishi haqida batafsil o‘qing.

Quyida yoz va qish mavsumlari uchun asosiy xalqaro savdo markazlarining ochilish va yopilish soatlari keltirilgan.

Savdo serverlari unumdorligini ta’minlash uchun serverlarda muntazam texnik xizmat ko‘rsatib turamiz. Texnik xizmat ko‘rsatish savdoda, hisobni ko‘rishda, ichki o‘tkazmalarda, mablag‘ kiritish yoki yechib olishda qisqa tanaffuslarga sabab bo‘lishi mumkin.

Dam olish kunlaridagi texnik xizmat ko‘rsatish odatda quyidagi vaqtlarda bo‘ladi:

• Shanba: qishda 05:00–09:00 UTC+0 va yozda 04:00–08:00 UTC+0.
• Yakshanba: 05:00–09:00 UTC+0.

Cent va Trial serverlarida ham har kuni qisqa texnik xizmat ko‘rsatish bo‘lishi mumkin. Bunday tanaffuslar odatda ish kunlari 23:20 UTC+0 da va shanba kunlari 23:20 UTC+0 da sodir bo‘ladi.

Texnik xizmat ko‘rsatish davrlari har hafta bajarilishi kerak bo‘lgan ishlar hajmiga qarab uzaytirilishi yoki qisqartirilishi mumkin. Dam olish kunlari texnik xizmat ko‘rsatish oynasi boshlanishidan oldin va uning davomida Shaxsiy kabinet (ShK) da bildirishnoma olasiz.

Shuni ma’lum qilamizki, Mijoz shartnomasi (1.5-band)da ko‘rsatilganidek, rejalashtirilgan texnik xizmat ko‘rsatish vaqtida yuz berishi mumkin bo‘lgan har qanday ehtimoliy yo‘qotishlar uchun Exness javobgar bo‘lmaydi. Tushunganingiz uchun minnatdormiz va yuzaga kelishi mumkin bo‘lgan noqulayliklarni minimallashtirishga intilamiz.