اگر آپ نے منفی بیلنس والے ٹریڈنگ اکاؤنٹ میں رقم ڈیپازٹ کی ہے تو ضائع ہونے والے بیلنس کی بحالی کے سلسلے میں مدد کیلئے سپورٹ ہب میں ٹکٹ بنائیں۔

ہم پُرزور تجویز دیتے ہیں کہ آپ منفی بیلنس کے 0 پر ری سیٹ ہونے کا انتظار کریں (نل آپریشن کہلائے جانے والے پراسیس کے ذریعے)، کسی بھی ٹریڈنگ پلیٹ فارم کی سرگزشت میں یہ D-null کے طور پر درج ہوگا۔ نل آپریشنز صرف اس صورت میں ممکن ہیں جب ٹریڈنگ اکاؤنٹ میں سبھی آرڈرز اسٹاپ آؤٹ کے ذریعے بند ہو جائیں اور ٹریڈنگ اکاؤنٹ کا بیلنس منفی ہو؛ یہ ایک خودکار پراسیس ہے جسے مینوئل طور پر فعال نہیں کیا جا سکتا۔

نل آپریشنز ٹریڈنگ اکاؤنٹ کو غیر فعال نہیں کرتے ہیں، اسے فنڈز ڈیپازٹ کرنے کے بعد دوبارہ ٹریڈنگ کیلئے استعمال کیا جا سکتا ہے۔

اگر آپ کیلئے نل آپریشن مکمل ہونے سے پہلے ٹریڈنگ جاری رکھنا ضروری ہو تو بہتر ہے کہ بیلنس کے نقصان کا خطرہ مول لینے کی بجائے ٹریڈ کرنے کیلئے نیا ٹریڈنگ اکاؤنٹ بنائیں۔

جب منفی ایکوئٹی تاہم مثبت بیلنس والے ٹریڈنگ اکاؤنٹ میں (کھلے آرڈرز کے ساتھ ممکن ہے) رقم ڈیپازٹ کی جاتی ہے تو منفی ایکوئٹی منفی بیلنس سے تحفظ کے ذریعے کور نہیں کی جاتی اور فرق کو ڈیپازٹ سے کاٹا جائے گا۔

مثال: آپ کے پاس مکمل ہیجنگ شدہ کھلی ٹریڈز کے ساتھ 1,000 USD کا بیلنس ہے۔

• XAUUSD پر 1 لاٹ buy اور 1 لاٹ sell
• اس ہیجنگ شدہ آرڈر کا مجموعی نتیجہ ہے -1,050 USD
• موجودہ ایکوئٹی = -50 USD

عموماً جب ایکوئٹی صفر سے نیچے چلی جائے تو اسٹاپ آؤٹ ہو جاتا ہے۔ تاہم، اسٹاپ آؤٹ سے تحفظ فعال ہونے کے ساتھ، اسٹاپ آؤٹ مؤخر ہو سکتا ہے۔ اس کا نتیجہ منفی موجودہ ایکوئٹی (-50 USD) کے ساتھ مثبت بیلنس کی رقم (1,000 USD) کی صورت میں نکلتا ہے۔ اگر آپ اس ہیجنگ شدہ آرڈر کے کھلے رہتے ہوئے 100 USD ڈیپازٹ کرتے ہیں تو نل آپریشن انجام نہیں دیا جائے گا کیونکہ اس کے شروع ہونے سے پہلے سبھی آرڈرز کا اسٹاپ آؤٹ کے ذریعے بند ہونا ضروری ہے۔ لہذا نئے بیلنس (1,100 USD) کا نتیجہ 50 USD (1,100 USD - 1,050 USD = 50 USD) اور 50 USD بیلنس کے نقصان کی صورت میں نکلتا ہے۔